‘شي بيشبه الشحتار أو حشرة كبيرة متوفاية’… هذا ما وجدته الإعلامية اللبنانية في لوح المثلجات!

beirut News
لبنان
31 أغسطس 20199 مشاهدة
‘شي بيشبه الشحتار أو حشرة كبيرة متوفاية’… هذا ما وجدته الإعلامية اللبنانية في لوح المثلجات!

نشرت الإعلامية ليلى عقيقي عبر حسابها الخاص، على موقع “فيسبوك” صورتين للوح مثلجات، ظهرت فيه بقعة سوداء، لم تحدد طبيعتها.

وكتبت عقيقي: “في أطيب من البوظة بهالشوبات؟ صدقوني ما في! كيف اذا كنت فطسان وبحاجي لشي مصقع يبورد القلب! بس مع Dolsi Gelati حياتي اليوم صارت أحلا! والبوظة؟ صار الها طعم ثاني… وبقح سوداء كمان!

ولخبركم يلي صار معي بالتحديد! فتحت قرن البوظة وعم بتأملو بشوق وقبل ما يوصل على تمي شفت نقطة سودا مزينتو! رجعت قربتو على مستوى نظري وتأملتو مظبوط وحركشت بالزينة الغامقة على وجو… وطلعلي شي بيشبه الشحتار أو حشرة كبيرة متوفاية ما بعرف! بس يلي بعرفو وأكيدي منو انها غازي في عالآخر وعاملة سماكة مهمة!

بالمختصر ويلي فكرت في انو اذا حدا من ولاد اختي كان عم ياكل هالبوظة وما انتبه شو كان صار في؟ أو اذا حدا من السواح يلي عم نبرم عليهم بالحيلة والفتيلة حب يبورد وطلعلو هيك مفاجأة قولكم بيطلب منا الجنسية كرمال الطياب؟

من غير الشي الدني كلها مسودة بوجنا! ما تركولنا شي واحد منحبو على لونو الطبيعي! غلطتو معي بالدمات!”

————-
المقالات والآراء المنشورة في الموقع والتعليقات على صفحات التواصل الاجتماعي بأسماء أصحـابها أو بأسماء مستعـارة لا تمثل بالضرورة الرأي الرسمي لـ موقع بيروت نيوز بل تمثل وجهة نظر كاتبها، و”الموقع” غير مسؤول ولا يتحمل تبعات ما يكتب فيه من مواضيع أو تعليقات ويتحمل الكاتب كافة المسؤوليات التي تنتج عن ذلك.

رابط مختصر