بغضب ومرارة نجوى كرم تهاجم السياسيين: ‘دبحتونا وفلستونا.. يا اولاد الأفاعي’

beirut News
مشاهير
6 أغسطس 2020wait... مشاهدة
بغضب ومرارة نجوى كرم تهاجم السياسيين: ‘دبحتونا وفلستونا.. يا اولاد الأفاعي’

نشرت الفنانة نجوى كرم عل حسابها الخاص على “تويتر” تسجيلاً صوتياً علقت من خلاله على كارثة الانفجار الذي وقع يوم الثلاثاء في مرفأ بيروت.

 

وقالت متوجهة إلى الزعماء: ” كأنه ما صار شي ومبلا صار وكتّر. دبحتونا ودبحتو البلد متل كأنه ما صار شي. طفيتوا أهدافنا وأحلامنا والبكرة تبعنا ومتل كأنه ما صار شي. هجرتوا ولادنا وأدمغتنا ومتل كأنه ما صار شي نهبتونا وسرقتونا وفلستونا متل كأنه ما صار شي “.

 

وأضافت: “وقال شو وبكل وقاحة قالولنا بكرة بيتعودوا يعودكن العمى أقل شي. مش ملككن نحنا ولا محط تجاربكن وحقل لتحقيق أمنياتكن. ولك لازم ثورة تفوت عبيوتكن تتحسسكن بياللي عم نحسه هيدا إذا كان عندكن أساساً فيه إحساس يا أولاد الأفاعي “.

 

وتابعت:” شغلتوا فينا المستشفيات والأطبا النفس. خليتونا ميتين ونحنا أحياء يا بلا وجدان. ولك وين ريحة الطيون والزعتر ياللي بدلتوها بريحة جتت ولادنا واهالينا؟ وبعدكن عم تتقاتلوا عالسلطة ولك روحو انقبرو فلّو. صاير ومكتّر صاير ومكتّر بس إنه كإنه الدني عم تشتي “.

 

وختمت: “كيف قادرين تستخفو فينا؟ كيف قادرين تستخفو بعقولنا وأرواحنا؟ مش عم نفهم كيف. إذا انتو مش فاهمين مصيبة وإذا فاهمين مصيبة أكتر” .

————-
المقالات والآراء المنشورة في الموقع والتعليقات على صفحات التواصل الاجتماعي بأسماء أصحـابها أو بأسماء مستعـارة لا تمثل بالضرورة الرأي الرسمي لـ موقع بيروت نيوز بل تمثل وجهة نظر كاتبها، و”الموقع” غير مسؤول ولا يتحمل تبعات ما يكتب فيه من مواضيع أو تعليقات ويتحمل الكاتب كافة المسؤوليات التي تنتج عن ذلك.

رابط مختصر