حل الفنان مصطفى فهمي، ضيفاً ببرنامج “الحكاية”، للحديث عن تفاصيل أزمته الأخيرة مع طليقته الإعلامية فاتن موسى، المثارة عبر مواقع التواصل الاجتماعي ووسائل الإعلام.
وقال فهمي خلال اللقاء، “أنا بشوف الطلاق ده حاجة صحية جدا، أنا اتجوزت فاتن لمدة 4 سنوات، في أول سنتين كان فيهم خلافات بسبب ملابسها، وبدأت تزيد هذه الخلافات فيما بعد، ثم أصبحت خلافات مستمرة”.
وأضاف، “على طول بقى فيه شد وجذب، طبعا الناس كانوا بيشوفوا صورنا على السوشيال ميديا يقولوا أن إحنا في القمة السعادة ده مش شرط يكون واقع، وآخر سنتين كان فيهم تصادم مستمر”.
وتابع، “حصل بيني وبين فاتن مشكلة قبل السفر، إن إحنا هنروح لبنان عشان نحضر خطوبة أختها، وأنا قررت إن أنا مش هسافر، أخوها كان قاعد عندي بقاله أسبوع، قولتلها أنا مش هسافر، لكن إزاى بقى، فقامت العركة والخناقة واشتدت جدا والصوت على وعملنا خناقة كبيرة”.
وأكمل، “أخوها قال كدة مش هينفع وانزلوا أطلقوا، وقالت إنى غدرت بيها، لا هي عارفة إنى هطلقها، هي عارفة”.
