حلّت الفنانة رانيا يوسف ضيفةً في برنامج “في البوكس” المذاع عبر قناة Gossips على “يوتيوب”، وقالت إنها تبكي بسرعة إذا أصيب شخص مقرّب منها بمكروه، مؤكدةً، “أنا لما أضحك بعيّط ودموعي سريعة جداً، لما حد قريب مني تحصل له حاجة وحشة”.
وعن علاقتها بابنتيها، أشارت الى ان “أقصى عقاب مني لبناتي إني مكلمهمش نص يوم ومردّش على التليفون، ولو رديت أعمل لهم وشوش زعلانة”.
وأضافت، “طلّعوا عليا لقب باربي في المدرسة عشان كنت رياضية ومقاييس جسمي متناسقة، وكنت بطلع نمبر وان في مسابقات الجمال”.
وعن رفضها فكرة الزواج مرة أخرى، أوضحت، “مقرفتش من الرجالة، لكن على رأي مدام فيفي عبدة I don’t have time، وأنا علمت بناتي ميكذبوش أبداً، ويركزوا في مستقبلهم، وميتجوزوش قبل سن 30 سنة عشان ميشيلوش مسؤوليات بدري”.
وعن الأمور التي تشعرها بالراحة والسعادة، قالت، “بحب لقب صاروخ السينما لحد دلوقتي ويشعرني بالسعادة، وبحب ألبس مايوهات وشورتات ولبس خفيف، ومبحبش آكل كتير، ومبحبش التليفون وبستخدم الموبايل عشان أطمن على بناتي وأبويا وأمي وعشان شغلي، وبحب اللون الأحمر عشان أنا أهلاوية، وبحب الأكل البيتي جداً، محشي وفراخ وملوخية، ومليش في الأرقام خالص، أنا حمارة في الأرقام”.
وتابعت، “ممكن أسمع الانتقاد لو بأسلوب لطيف وهادي، واتعلّمت من فترة مخدش رد فعل سريع في أي مشكلة، ممكن أعمل رد فعل بعد 6 شهور”.
