عبر نجوم لبنان والوطن العربي عن حزنهم البالغ عن الحرائق التي اندلعت صباح اليوم الثلاثاء بعدد من المناطق.
وتحولت حسابات النجوم إلى رسائل من الوجع والحزن على بلادهم وطبيعتهم التي تحترق، بينما هاجم البعض المسئولين.
وعلقت الفنانة اليسا قائلة :”قلبي عم يحترق مع كل عيلة عم تضهر من بيتها بها الحرايق، ومع كل حدا عم يضيع رزقو، ومع كل شخص ما نام ببيتو من ورا النار.. يا حرام عا بلدنا.. إذا عاش أزمات وتخطاها، بيجي غضب الطبيعة يكفّي عليه”.
عم فتش عا حدا لومو على اللي صاير بس ما عم لاقي. بلوم يللي ما وظّفو حراس الأحراج لأسباب طائفية، أو يللي استكترو صيانة طوافات وفضّلو يكزدرو فيهن، أو يللي بيلاقو ميزانية وزاراتن أهم من وزارة البيئة. لو بيحترق هالنظام السياسي الطائفي كلو شو بيكون أفضل
— Elissa (@elissakh) October 15, 2019
وكتب الاعلامي نيشان “بعد الحرائق، مواطنون لبنانيّون أصبحوا نازحين. النَّازِحون اللبنانيّون. ألطف يا ربّ”.
وعاد نيشان وكتب “النّوّاب، باستثناء پولا يعقوبيان، لم يحضروا في الليل. كانوا نياما. ماذا لو كُنَّا في موسم انتخابات نيابيّة؟ كانوا احترقوا ليسجلوا موقف قدّام الكاميرات! كانوا تسابقوا عالنّار!”.
النّوّاب، باستثناء پولا يعقوبيان،
لم يحضروا في الليل.
كانوا نياما.
ماذا لو كُنَّا في موسم انتخابات نيابيّة؟
كانوا احترقوا ليسجلوا موقف
قدّام الكاميرات!
كانوا تسابقوا عالنّار!#نوّاب_أو_نوائب؟#لبنان_يحترق— نيشان (@Neshan) October 15, 2019
اما الفنان راغب علامة فقد علق قائلا: “في لبنان وفي كل صباح نسمع عن عشرات بل مئات الفضائح لكن لا وجود على الإطلاق لمن يحاسب…مجلس النواب وأجهزة الرقابة أين أنتم؟؟؟صح النوم لبنان يحترق وسيفرح المسؤولين بموسم جديد للصفقات والشحادة على ظهر الشعب”.
الحرائق مفتعلة!من النستحيل نشوب حرائق بهذه الشراسة في وسط الليل.. فلا وجود لشمس حارقة لتشعلها! شاهدوا كيف إنهم يحتفلون بالنتيجة!!! قريباً ستبدأ الصفقات المتعلقة بموضوع الحرائق ولن يتجرأ أحد على معارضتها. pic.twitter.com/XAP7nfkHbS
— Ragheb Alama (@raghebalama) October 15, 2019
ونجوى كرم عبرت حزنها قائلة “ربّنا يرد عن لبنان ويرحم اللي ماتوا بسبب هالحريق يشفي الجرحى.. لازم كلنا سوا نراجع ذاتنا لأنّو الطبيعة غضبانة والموضوع بدّو صلاة”.
ربّنا يردّ عن لبنان ويرحم اللي ماتوا بسبب هالحريق يشفي الجرحى..
لازم كلنا سوا نراجع ذاتنا لأنّو الطبيعة غضبانة والموضوع بدّو صلاة ??#لبنان_يحترق— Najwa Karam (@najwakaram) October 15, 2019
سيرين عبد النور قالت “يا رب تحمي لبنان وكل الناس يللي عم تساعد.. الله يحميكن ويبعد الشر عنكن وعن الاطفال والعائلات بلدنا الأخضر عم يحترق قدام عيوننا ما في حرقة قلب اكتر من هيك”.
يا رب تحمي لبنان وكل الناس يللي عم تساعد الله يحميكن ويبعد الشر عنكن وعن الاطفال والعائلات
بلدنا الأخضر عم يحترق قدام عيوننا ما في حرقة قلب اكتر من هيك !!! #المشرف #لبنان #يا_رب pic.twitter.com/3QNtK9t4Vl— Cyrine Abdelnour (@CyrineAbdlNour) October 14, 2019
نيكول سابا أيضا كتبت “يعني اذا ببيوتنا والهوا مجنون وعم بخبّط كيف بالشارع ومع هالنيران والحرايق الولعانة!! الله يرحمك يا طبيعتنا ويا خضار بلدنا شو صار فيكي مشهد حزين وليلة حزينة بلبنان.. طبيعتنا عم تبكي وتتألم وانا كمان..عنجدّ”.
بتخايل مع يلي عم نشوفوه بالشارع من هالشباب يلي كابب حالو ليساعد ويطفّي الحرايق ويساعد وهيدي مش شاغلتن اصلاً بفتكر انو شباب بلدنا بيستاهلوا يعيشوا ببلدهن بكرامة وبيستاهلوا انو تنفتح قدامن فرص عمل ومعيشة محترمة تيأمنوا مستقبلهن!
بس مين عم يسمع??#PrayForLebanon #saveournature— Nicole Saba (@NicoleSabaaa) October 15, 2019
نانسي عجرم دعدت لبلادها “يا عدرا تحمي لبنان قلبي عم يحترق. الله يحمي بلدنا ويكون معنا”.
يا عدرا تحمي لبنان
قلبي عم يحترق. الله يحمي بلدنا ويكون معنا???? pic.twitter.com/vt7UXZAOf5— Nancy Ajram (@NancyAjram) October 15, 2019
تحية من القلب لكل عناصر الدفاع المدني وأفواج الإطفاء والجيش اللبناني على مجهودن
الله يكون معكن ويقويكن ويحميكن ويحفظ بلدنا??— Nancy Ajram (@NancyAjram) October 15, 2019
وكتب الفنان عاصي الحلاني: “الله يحمي شباب وابطال الدفاع المدني والجيش اللبناني وجميع القوى الأمنية وكل من يساهم في اخماد هذه الحرائق ومساعدة الناس على هذه الكارثة الأنسانية”.
https://twitter.com/assihallani/status/1184119223959871490
وكتب محمد إمام “اللهم أحفظ اخواتنا اللبنانيين و أرضهم .. قلبي معاكم”.
نوال الزغبي كتبت أيضا “طبيعة لبنان هي جنّته، و النار تغتالها بوحشية … لازم الدولة كلها تستنفر لإنقاذ رئة لبنان”.
وكتب النجم المصري أحمد السقا: “اللهم أحفظ لبنان وشعبها”.
اللهم ??أحفظ لبنان وشعبها ?? #لبنان_يحترق
— Ahmed Elsaka (@ElSaka) October 15, 2019
وكان موقف لافت للفنانة المصرية شيرين عبد الوهاب حيث كتبت: “قلبي يحترق على وطننا الغالي لبنان، لكن في مثل هذه المواقف، الكلام ليس كافياً. أنا على أتم الاستعداد لإقامة حفل يكون كل العائد منه مخصص للمتضررين من الحريق، وأناشد دولة رئيس الوزراء سعد رفيق الحريري أن تكون تحت رعاية سيادته”.
وكتبت الفنانة السورية أصالة: “ياربّ إحفظ لبنان وأهله”.
وسجلت بلدة المشرف في الشوف جبل لبنان، حريقًا هائلاً انتشر بسرعة بفعل الريح، ما تسبب بتهديد المنازل والمدارس، ما استدعى تدخل 15 فريقا من الدفاع المدني، حيث يواصل عشرات العناصر عملهم على إخماد الحريق رغم الظروف الصعبة.
وفي شمال لبنان، نشب حريق في جبل بلدة النفيسة في عكار، وامتد بسبب سرعة الرياح إلى أراضي بلدتي مشحا والشيخ محمد، مُهددًا المنازل، لكن فرق الإنقاذ تمكنت من إخماد الحريق الذي أتى على مساحات كبيرة من أشجار الزيتون المثمرة، بعد 6 ساعات من العمل المتواصل.