كشف الممثل الكاتب طارق سويد تفاصيل جديدة عن مرضه عبر “انستغرام”، قائلاً، “سنة 2022 كانت سنة النجاحات بالنسبة لي”، وتابع “فجأة وبدون سابق انذار، بلاقي حالي عم بوقع وصحّتي عم بتخوني”.
وصارح سويد جمهوره بوضعه الصحّي، “جسدياً ونفسياً صرت بالأرض وقرّرت حارب، بس وصلت لمطرح خلص ما عدت قادر، أمراض المناعة الذاتية عم تنهشني وصحتي النفسية بالأرض، ما عاد ولا علاج او دواء يمشي عليي”.
وأردف، “كل اللي عم بحلم فيه ما عاد الو معنى وقيمة، صار حلمي ارجع اوقف ع إجريي، الناس تسألني وينك وليش غايب عنا وأنا اتوجّع أكتر لأن مهنتي اللي هي كل شغفي بالحياة مش قادر ارجعلها”.
وأكد، “رح ارجع أوقف ع إجريي وأقوى من قبل، الاستسلام منو خيار، منو إلي، راجع وأقوى من قبل”.
