استهجنت الإعلامية ديما صادق ردّ الممثلة نادين نسيب نجيم على بعض التعليقات المسيئة، آخرها وصف أحد المتابعين بـ”الزبّال”.
واعتبرت، أن ما قالته لا يرقى بمستوى ممثلة لبنانية، وقالت، “ولو؟؟ ولو؟ ممثلة لبنانية بتستعمل مهنة الزبال كشتيمة؟ شيء مخزي جداً ان يكون مستوى الوعي والإنسانية والشعور والثقافة متدني لهذه الدرجة عند أشخاص بأثروا بملايين المعجبين. طبعاً من المسلمات انه ما في شي مهين بأي مهنة، المهين للجنس البشري انه يكون في ناس يفكرو بهل طريقة”.
فردت نادين، “ديما حبيبتي انت معودة على المسبات والشتايم، بتحسي حالك عندك قيمة، أنا ما معودة راسي ما بيحملني هيك اتربيت، خاصة إذا حدا اتطاول عليي بشكل كتير بشع. والزبّال هو يلي بكب وسخه وين ما كان ونفسيته وسخة. يلي بنظف اسمه زبال ما بعيطله زبال، لأنه بكون عم بجرحه هيك علموني بالمدرسة”.
بدورها، قالت ديما، “لهيك ما تعبي حالك وتردي ع هل تويت لاني ما حرد، وفري ع حالك احراج، أحسن ما يقولوا ما تعبت حالها تنزل لمستواها وترد عليها”.
