أعلنت الفنانة اللبنانية نادين نسيب نجيم، عن إطلاق ماركة مستحضرات تجميل خاصة بها، في الأيام القليلة المقبلة.
وروّجت نادين لماركتها الجديدة عبر حسابها على “تويتر”، وقالت: “بدي قول شي كتير محمسة ما قادرة خبّي … قريباً جداً نادين نجيم بيوتي رح تكون بين ايديكم وين ما كنتوا”.
وأضافت: “بعد تعب ٣ سنين على ادق التفاصيل كتير محمسة تجربوا، وان شاء الله رح يعجبكم، لانه بيشبه كل امرأة فينا والاهم بذكرك انه تحبي حالك و تخلي ثقتك عالية مهما قسيت الظروف عليكي وضلك عم تآمني بحالك حتى بأضعف لحظاتك”.
وتابعت: “هيدي البراند طلعت من ورا قصة جهد و تعب وانكسار وحزن وضعف وخذلان عشتهم بحياتي، كرمال هيك انا حابة شارك هل التجربة القاسية معكم يمكن اقدر اعطيكم الامل والقوة والدعم”.
وأكملت نادين: “قريباً رح خبركم قصتي وكيف وصلت لهون و كيف تخطيت كل التحديات و المصاعب و كيف وقعت ورجعت وقفت على إجريي وكملت يمكن اقدر كون بمطرح عم في فيدكم… تجاربنا بتعلمنا وبتقوينا”.
