كشفت الممثلة ريهام عبد الغفور، متأثرة وباكية، عن معاناتها الكبيرة بعد فقدان والدها النجم الكبير أشرف عبد الغفور.
وقالت ريهام عن أثر رحيل والدها، خلال مقابلة مع الإعلامية يارا أحمد في برنامج “بعد الغياب”:”طول فترة تصوير مسلسل “كتالوج” حسيت أني كبرت أوي، كنت بعاني جدًا، ومش عارفة أشتغل خالص، دلوقتي بس أنا ممتنة لربنا إن المسلسل عجب الناس، لأن وقتها كنت حاسة إني مش قادرة أعمل أي حاجة”.
وتابعت: “فكرة التخطي مش مستوعبها، أنا حاليًا ابني عنده 24 عامًا لحد اللحظة دي مش مستوعب ومش عارف يقود سيارته، وكأني حد كسرني نصين، أنا حواليا ناس فقدوا ناس قريبين منهم، لكن كان الموضوع معاهم أسهل”.
وعن علاقتها بوالدها ومدى تعلقها الكبير به؛ أضافت ريهام عبد الغفور : “أنا متعلقة بوالدي جدًا، وهو شخص عرف يسيب أثر في كل الناس اللي عرفوه، حتى لما كان يضحك، كنت بحس إنه ضحكته وهو نفسه جاية من الجنة”.
وأكملت : “الفقد مش بس في يوم الجنازة أو العزا، اللحظات الصعبة بتيجي كل يوم، في مواقف صغيرة لكن وجعها كبير”.
