نقلت مواطنة تُدعى منى حب الله عبر وسائل التواصل الاجتماعي تجربتها مع فحص الـpcr، حيث أجرت الفحص الاول في مستشفى الهيكل في طرابلس لمعرفة ما إذا كانت مصابة بكورونا أم لا بعد شعورها ببعض العوارض وخصوصاً فقدان حاستي الشم والتذوق، لتصدر نتيجتها ايجابية.
ولعدم اقتناعها بالنتيجة، أجرت السيدة فحصاً ثانياً لكورونا في مستشفى المظلوم، بعدما أخبرتهم بأنّ سبب طلبها الفحص هو اجراء عملية تجميلية في بيروت، لتصدر نتيجتها سلبية ولا تعاني بالتالي من كورونا. ونشرت منى هذه الرسالة،وجاء في حرفيتها:
“من تلاتة ايام عملت PCR بمستشفى هيكل و كانوا مصرين يعرفوا لشو الفحص قلتلن عندي مشكلة بحاسة الشم و التذوق بس بدي إتاكد اذا covid-19 أو حساسية متل ما الكل عم يقلي ، بعد يومين بتطلع النتيجة Positive بيتصلو فيني بقولولي اسمك صار عند وزارة الصحة و التزمي الحجر ، قلتلن انا بدي عيد الفحص قالتلي لا ما تعيدي هيدول عوارض كورونا!!
نزلت دغري بنفس النهار عدت الفحص بمستشفى المظلوم كمان سألوني ليش بدك الفحص قلتلن عندي عملية تجميل سألوني وين قلت بمستشفى ببيروت و ما عطيتن ولا تفصيل تاني ، اليوم الصبح طلعت النتيجة Negative!!
اتصلت بهيكل دغري وحطيت ععينن وانطرت تبرير، طلع معو بكون الvirus طلع من جسمي تاني نهار و كتير طبيعي!! أنا بالحالتين ملتزمة الحجر لعل و عسى ! بس لي بدي وصله انو هالنتايج حسب انت شو بدك بتطلع النتيجة !! بتقلن عندك عوارض بتطلع معك كورونا لتجيب عيلتك يعملو الفحص و يقبضوا عليكم ، بتقلن passport او عملية دغري Negative!!
بليز share في كتير ناس عم ينعطاها نتايج غلط متلي حسب هني شو بقولولن بكفّي اسخفاف بعقول العالم و تجارة بصحتنا ولله ما قادرين نحمل هل كم من الفساد و الاستهتار بصحتنا و حياتنا!!”.
