مع ختام عام 2018 وإستقبال سنة جديدة، تحدّثت الممثلة نادين نسيب نجيم عن الدروس الّتي لقنّتها إياها السنة الماضية بخاصةٍ أنها خاضت تجربة خسارة والدها.
وفي التفاصيل، فقد كتبت نادين نسيب نجيم في رسالةٍ مؤثرة ” شكراً انّه ربّنا عطانا فرصة نعيش ونستقبل سنة جديدة. شكراً على كلّ النعم والمشاكل والفرح والحزن والنجاح والخيبات يللي مرقنا فيون لأنه الحياة حلوة بالأوقات الحلوة والمرّة”. وأضافت نادين نجيم “بتمنّى السنة الجديدة تحمل كلّ الخير وتكون ماشية معنا لنحقّق كلّ شي حابين نعمله وأهم شي الصحة”.
واستذكرت نادين نسيب نجيم والدها الراحل بالقول ” ٢٠١٨ على قد ما عطيتني أخدت منّي، وأخدت منّي أغلى شي عندي… بيي الله يرحمه وما حسّيت بفرحة العيد هالسنة لأنه اشتقتلك حدّي، بس الحياة بتكفّي وبتعلّمك تكون قوي ومبسوط بحياتك لأنه الحياة نعمة ما بتعرف ايمتى بتروح منك”.
وختمت نجيم رسالتها المؤثرة قائلةً “بطلب من الله متل دائماً يقوّي إيماني ويعطيني الصبر والحكمة ت ضلّ قد حالي مهما كانت ظروفي… بتمنالكم سنة حلوة والله يعطيكم على قد نيتكم واكتر”.
