تحدث السيناريست تامر حبيب عن كواليس لقائه الأخير مع الفنانة شيرين عبد الوهاب قبل أزمتها الأخيرة ودخولها إلى المصحة النفسية للعلاج من الإدمان.
وقال حبيب في تصريحات لبرنامج MBCTrending، “الست دي صديقة عزيزة جداً على قلبي، ومن أنضف وأطيب الصحاب اللي عرفتهم في حياتي، وهي في محنة وأزمة، وكل ما تحتاجه إننا ندعو لها تقوم بالسلامة”.
وأضاف، “اتقابلنا أخيراً في الساحل، وكانت ابتدت ترجع للحياة ولشيرين اللي نعرفها ومقبلة على الحياة، ولما شفتها عيطت نص ساعة زي ما قالت من كتر الحنين ولإنها كانت واحشاني”.
وأردف، “كنت حزين إن واحدة بهذه القيمة الفنية الكبيرة جداً يحصل معاها كده، وفاكر يومها إننا رقصنا على أغنية صح”.
وتابع، “متأكد إن ربّ ضارة نافعة، وشيرين هترجع أحسن ألف مرة. خليكوا فاكرين إن كل الأزمة دي مش هتأثر فيها قد الكلام الجارح، وشيرين محبيها كتير في كل الدنيا، وحبهم واصل لها لإنهم بيقعدوا لها تحت المستشفى”.
